كيفكم ؟
أتوقع ان أغلبنا إذا مو كلنا له عطر يظل عليه فترة طويلة
وحتى لو قطعه لفترة يحن له ويشتريه من جديد
أنا عندي عطر كذا
أول مرة أخذته من 2006 ولحد الآن أستخدمه حتى لو قطعته كم شهر أرجع أخذه
هالعطر هو
سينما من ايف سان لوران
سينما من ايف سان لوران
أعتبره عطر شتوي بامتياز
تاريخ اصدار العطر:
2004
العلبة:
تصميم كلاسيكي وحجمها مناسب جدا
ودايما أخذ حجم 50 مل لأنه مناسب للشنطة
وصف العطر :
من النوتات الداخلة فيه والبارزة العنبر والفانيلا والمسك الأبيض
استخدامه :
نفس ما قلت من البداية انه شتوي وقوي
وحلو لاستخدامه في السهرات
ثباته :
مرة ثابت ويظل لفترة طويلة في الملابس
دردشة عطرية:
في مقولة اتقول
A woman's perfume tells more about her than her handwriting
عطر المرأة يمكنه أن يخبرك عنها أكثر من خط يدها
يعني تقدري تحكمي على المرأة وعلى شخصيتها من عطرها
أنا بالنسبة لي هالمقولة نوعاً ما صحيحة
بس ما نقدر انطبقها
لأن عطور الشتاء غير عن عطور الصيف
والمزاج دايماً يتغير
يعني ممكن أحب العطور القوية في الشتاء والهادئة في الصيف
يعني صعب اتحددي الشخص على أي نمط يمشي في عطوره
وإلا شرايكم ؟
والحين
خبروني عن العطور الثابتة عندكم واللي اتفضلوها؟
واتمنى ان هالبوست القصير عرفكم على عطر شتوي ممكن انكم اتحبوه
اشوفكم في بوستات جاية
0 التعليقات:
إرسال تعليق