بسم الله الرحمن الرحيم
السلام عليكم ورحمة الله وبركاته
الخطوة الأولى والأساسية للبدء بالعناية بالبشرة هي معرفة نوعها
عشان ما نتخبط في اختيار المنتجات والكريمات ونحتاج نعرف المنتج المناسب لنوع بشرتنا
أنواع البشرة '
*عادية - Normal Skin
خصائصها/ مافيها أي مشاكل في افراز الدهون سواء كثرتها أو نقصانها واتلاحظي انها موحدة اللون عادةً.
* مختلطة - Combination Skin
خصائصها/ تجمع بين البشرة الدهنية والجافة، في العادة تكون منطقة الجبهة والأنف والذقن دهنية ( T zone ) وباقي الوجه جاف.
* دهنية - Oily Skin
خصائصها/ المسامات واسعة وافراز الدهون عالي ودايماً يكون لون الوجه أغمق من الجسم بسبب الدهون واصحاب هالبشرة يعانو من حبوب في منطقة الظهر والصدر.
* جافة - Dry Skin
خصائصها/ الاحساس الدايم انها مشدودة من كثر الجفاف وقلة افراز الدهون من مساماتها خاصة منطقة الخد وحول الفم، ومنظر الوجه يكون دايماً تعبان وفاقد حيويته.
* حساسة - Sensitive Skin ( هذا مو نوع من أنواع البشرة كثر ما أنه مشكلة ممكن تتعرض لها جميع أنواع البشرات )
البشرة اللي اتكون حساسة تتفاعل بشكل سريع مع أي عَرَض خارجي مثل الماي أو لمس الوجه أو تجربة منتج قوي على البشرة ويصير في البشرة احمرار أو حكة.
كيف نعرف نوع بشرتنا ؟
* امسحي المكياج أو أي بقايا مكياج من وجهك.
* اغسلي الوجه بغسول يفضل أنه يكون لكل أنواع البشرة.
* انتظري ساعة تقريباً لحد ما ترجع البشرة لوضعها الطبيعي وبدون ما اتحطي أي كريم ولا تلمسي وجهك.
* قارني نوع بشرتك بالصفات اللي في أنواع البشرة .
ملاحظة '
ممكن تتغير نوع بشرتك من فترة عمرية للثانية وعلى حسب فصول السنة . عشان كذا إذا تستخدمي منتجات لنوع بشرتك الحين ولاحظتي ان بشرتك اتغير نوعها غيريهم واخذي المنتجات المناسبة لنوعها حالياً.
أتمنى عجبكم البوست
وأشوفكم في بوستات جاية
0 التعليقات:
إرسال تعليق